في البداية لازم تحدد نوع الايفون iPhone الي عايز تشتري زي 5s 6 6s 7 وتكون مقرر النوع والمساحة الي انت محتاجها في اكتر من خيار وحالات مختلفة للشراء ممكن تشتري مستعمل او معاد تجديدة من قبل مصنع أبل او شركة اخري
ابرز المواقع الي تدور فيها هي بالترتيب
1- Apple.com
2- ebay.com
3- amazon.com
ودي الحالات الي هتلقي الايفون متوفر بيها
– جديد NEW
ودة بيكون جديد تمام متبرشم وافضل مكان تشتري منه Apple.com
– مستعمل Used
بيكون مستعمل وبيبقي البايع قايل حالة ايه ومصوره وتقدر تراسل البياع وتطلب منه معلومات كاملة وصور تانية عن الايفون وافضل موقع للشراء منه مستعمل eBay ثم Amazon ولكن ديما خلي بالك من تقييم البائع قبل الشراء
– معاد تجديدة من قبل المصنع المنتج له Manufacturer Refurbished
ودة بيبقي تليفون تم تصنيعة وكان في عيب ما وتم ارجاع التليفون الي المصنع وتغير القطعة التالفة او الجزء الي مش شغال وعمل اختبارت عليه وتجربته ثم يتم تغليفة واعادة بيعه بسعر اقل من سعر الجديد احيانا السعر بيكون اقل بنسبة 30% الي 60% علي حسب النوع وسنة الاصدار
– معاد تجديدة وتصليحة من قبل البائع Seller Refurbished
دة بيكون ايفون مستعمل وحصل في تلف او عيب ما البائع بيقوم بتصليحة وتغيير العيب مثلا استبدال الشاشة الخاصة بالايفون واعادة تغليفة ثم اعادة بيعه وبيكون البائع موضح ايه العملية الي تمت بظبط في الجهاز وبيكون سعره اقل من الـ Manufacturer Refurbished
– الشحن
معظم المواقع لا توفر خيار للشحن الدولي الي مصر لذا يجب استخدام شركة شحن تقوم باستلام الـ iPhone وثم تقوم بشحنه اليك (شركات اعادة التوجية) (Freight Forwarder) مثلا شركة Shop and ship او شركة Fishisfast.com يمكن الاشتراك معهم وهتاخد عنوان في امريكا ترسل الايفون عليه ثم تقوم الشركة بشحنه الي عنوانك في مصر
– الجمارك
الايفون والهواتف بشكل عام معفية من الجمارك في مصر يتم احتساب ضريبة القيمة المضافة فقط عليها وهي 13% عشان تحسب التكلفة بتبقي سعر الايفون مضروب في 13% وهناك تصريح الجهاز القومي لتنظيم الاتصالات NTRA بيطلع بشكل مجاني لو طلعته بنفسك اما اذا شركة الشحن فرضت عليك انها هي الي تطلعه بيكون تكلفتة في حدود 150 جنية الي 250 جنية علي حسب شركة الشحن
