الشحن المباشر الى مصر بها ميزة هو أنه شامل الجمارك والضرائب وكل شئ لحد باب البيت يعني هتريح نفسك واي مشاكل هتتعامل مع امازون بشكل مباشر وسلس أكثر قطع الكومبيوتر معفيه من الجمارك عليها فقط 14% ضريبة القيمة المضافة يعني اذا تم شراء القطع وشحنها الي مصر مع شركه هتدفع عليها 14% يعني حوالي علي ال 700 دولار 98 دولار + مصاريف شحن الشركه القطع وزنها خفيف ولكن الكيسه case هي الي هتعملك مشكله في الشحن اذا مش ضروريه تقدر تشتري بديل من هنا وتشحن الباقي من بره هتوفر كتير

الوزن التقريبي بحسب امازون للقطع هو 30 باوند الوزن ده هيكلفك شحن فقط في حدود 180 الي 200 دولارمع شوب اند شيب + ال 98 دولار ضريبه + مصاريف تخليص

الافضل خليك مع امازون اريح وهتكون ضامن انك مش هتدفع جنيه واحد فوق الي هتدفعه وانت بتعمل الاوردر في امازون

بالنسبه تقليل الاسعار لا انصح به لانه غير قانوني لو موظف الجمرك لاحظ القيم هيعمل تقيم شخصي وهيحسب الضرائب علي السعر الي هيقيم بي وممكن يكون تقيم كبير وتدفع اكتر

دي اتش ال DHL بالفعل هتكون اسرع ولاكن مصاريف التخليص لديها اكبر وفي حاله شراء تليفون هيتطلب موافقة الجهاز القومي لتنظيم الاتصالات ودي هيخلصوها بنفسهم ومصاريف تخليصها أكبر من ارامكس لذا ان كنت تريد السرعة ومش مهم التكلفة DHL هتكون افضل اما اذا تريد التوفير اشحن مع Aramex ارامكس
وفي كل الاحوال الهواتف معفيه من الجمارك وعليها 14% ضريبة القيمه المضافه

الموبايلات معفية من الجمارك وعليها فقط 14% ضريبه القيمه المضافه في حاله ان الموظف رفض الفاتورة الي جايه مع الجهاز او الجهاز مش معا فاتورة بيعمل للموبيل تقيم في الاغلب بيدور علي الانترنت وممكن يحط سعره وهو جديد ويحسب ال 14% علي هذا الاساس , الافضل شراء الموبايلات وشحنها الي مصر مع شوب اند شيب لان مصاريف تخليصها معروفه الموبيلات بتقف في الجمرك لأنها تستلزم موافقة الجهاز القومي لتنظيم الاتصالات عند وصول الجهاز شركه الشحن هتكلمك عشان تبعتلهم صورة البطاقه وهما هيخلصو الموبايل ويوصلو للبيت

الجمارك علي إكسسوارات السيارات مختلفه علي حسب الحاجه بس الاغلب بتكون 10% جمرك + 14% ضريبه القيمه المضافه بالنسبة الممنوع برضو يختلف على حسب منتجات السيارات كثيرة ومنها ما هو يتطلب إجراءات خاصة ومنها ما هو عام ويختلف ايضا اذا كان استخدام تجاري ام شخصي

كاميرات السيارات نحتاج مواقفه امن عام هذة الايام واذا كان بها اي وسيله اتصال وايرلس او بلوتوث مثلا ستتطلب ايضا موافقة وزارة الاتصالات