لابتوب معفي من الجمارك وعليه فقط 14% ضريبة القيمة المضافة يعني هتدفع عليه حوالي 130 دولار ضريبة فقط وقم بالتاكد اذا كان يباع في https://amazon.com ام لا ويقبل الشحن المباشر الي مصر لان في الحالة دي تقدر تشحنه من امازون وتدفع الضريبه والشحن لامازون ومش هتدفع جنيه واحد تاني وانت بتستلم وده افضل

بص يا احمد مفيش اجابه واحده للاسف علي الموضوع ده لانه بيرجع بنسبه كبيرة لموظف الجمارك ولكن العادي انه بيعدي ومش هتدفع حاجه ولكن ده في حالة ان الشخص معهوش اجهزة اخري تندرج خارج الاستعمال الشخصي مش شرط تكون بلايستيشن يعني ممكن واحد يكون جايب معا مثلا بلايستشن وكذا موبايل واجهزة اخري في الحاله دي بنسبه كبيره ممكن يدفع جمارك لان التقيم بيكون علي المجمل مش على سلعه واحده بعينها بس بنسبه كبيره وعن تجربه بتعدي عادي خصوصا لو الشحص بقاله كتير بره او شغال بره مش مجرد زياره سياحه 4 ايام لان موظف الجمرك ممكن يفتكره بيسافر مخصوص لغرض التجارة

شكراً جزيلاً
هو ممكن يدخل كأنه جهاز كشف اعطال عادي ومحصلش قدامي قبل كده رفض او تصريح لاجهزة كشف الاعطال وصعب شوية موظف الجمرك يعرف الوظيفه حتى من العلبه لانها زي موضحة انها عليها صور عربيات وعدادات يعني في الأصل جهاز خاص بأعطال السياره اي كان الوظيفه وهو حتي مكتوب عليه انه بيكشف الاعطال علي العلبه الجمارك هتكون 10% + 14% ضريبه القيمه المضافه

نعم هيكون عليها جمارك وضرائب بتختلف نسبتها علي حسب نوع السلعه مثلا الجهزة الكومبيوتر والتليفونات والتابلت معفيه من الجمارك ولكن هتدفع عليها 14% ضريبه القيمه المضافه ومثلا الملابس عليها 40% جمرك + 14% ضريبة وهكذا الجمارك بتختلف علي حسب نوع المنتج او السعه