عايزه اشحن حاجات من مواقع اجنبيه عن طريق Myus العضويه السنويه بتدفع وبعد كده مش بدفع مصاريف شحن كل مره ولا بتضاف مصاريف الشحن على كل شحنه؟ مع العلم اني هجمع حاجات من كذا موقع وهشحنهم مع بعض بعد ما اخلص الشرا عشان كده محتاجه العضويه الغير مجانيه ،وهبعتهم على البريد السريع هيوصلوا في قد ايه وفي مصاريف تاني هدفعها لما استلمهم من البريد،والبريد هيتواصل معايا ازاي ويقولي ان الحاجه وصلت؟
1
11
2 إجابتين
يجب عليك تسجيل الدخول لإضافة إجابة.
يمكنك الاشتراك في العوضيه السنويه مجانا عن طريق عرض Myus مع شركه Visa من هنا
https://www.myus.com/welcome/visa
كل مره بيكون في شحنه بيتم دفع رسوم الشحن علي حسب الوزن + بعد ان يتم الشحن هيكون في جمارك وضرائب عن الاستلام في مصر والجمارك والضرائب تختلف بحسب نوع المنتج مثلا الملابس عليها 40% جمرك + 14% ضريبه القيمه المضافه
بعد متوصل الشحنه مصر اذا تم ارساله مع البريد هتوصل لاقرب مكتب بريد من العنوان المرسل اليه
واذا كان مع شركات الشحن السريع مثلا هتوصل لحد باب البيت والشركه وهي بتسلمك الشحنه هتحصل منك مصاريف الجمرك والضرائب
بالنسبه زمن التوصيل بيختلف باختلاف شركه الشحن وقبل متعملي طلب تجميع الشحنات وشحنها بتختراي شركه الشحنه المناسبه وبيكون جنبها الشحنه متوقع توصل امتي او هتاخد اد ايه
طب لو عملت العضويه السنويه مع Myus وانا بشتري من الموقع هختار شحن عن طريقها كصندوق بريد امريكي للتخزين وهي اللي بتشحن للبيت صح؟
وقبل الشحن هتحسبلي التكلفه في شركات الشحن المختلفه مع الجمارك والضرايب ولا هتحاسبني على الشحن بس وشركة الشحن اللي هنا هي اللي بتحسب الجمارك والضريبه؟
اخر حاجه البريد السريع لو استلمت من مكتب البريد هتجنب مصاريف التخليص ايا كانت السلعه ولا بردو في مصاريف تخليص في مكتب البريد؟
واسفه جدا على الاطاله شكرا لحضرتك للمتابعه والشرح الوافي المفيد