اللابتوب في كل الحالات معفي من الجمارك وعليه فقط 14% ضريبة القيمة المضافة
بخصوص المطار بنسبة كبيرة الموضوع راجع لموظف الجمارك وتقيمه للحاله
وللاسف ملهاش طريق معاملة محددة ولكن بشكل عام مظنش هيكون في اي مشكلة
وان حدث فا اللابتوب معفي من الجمارك ممكن تدفع علي جهاز واحد بس في اسؤ الظروف
باعتبار ان جهاز منهم شخصي هو والكاميرا

لا يوجد جمارك علي اجهزة الكمبيوتر ومستلزماتها واللابتوب
فقط 14% ضريبه مضافه الحسبه هتكون
870 دولار + الضريبة 14% = 992 دولار
الشحن والدفع يختلف من شركه لاخري وعلي حسب وزن اللابتوب
ادخل علي قولي بكام ودخل البيانات وهتعرف السعر من كل شركه

تغير السعر في الفاتورة احيانا بيجي بنتيجه عكسيه لان موظف الجمارك لو مقتنعش
بالسعر هيعمل إعادة تقييم وممكن يقيم السلعة بضعف تمنها وسعتها هتدفع اكتر ماكنت هتدفع

بالنسبة بند الهدايا مفيش حاجة بتدخل من غير جمارك او ضرايب حتي ان كانت هديه
هيتم تقيم سعرها ودفع جمارك وضريبة عليها علي حسب جمارك وضريبة المنتج
كل الطرود و الشحنات الي جايه من بره تخضع للجمارك والضرائب الا في حالات معينة
علي بعض الشحنات التجارية او الطبيه بتكون معفيه او الجهة المستوردة معفيه من الدفع

الضريبة ثابته علي اي منتج وهي 14% وتسمي بضريبة القيمة المضافة
بالنسبة الجمارك علي الكاميرات الرقمية وملحقاتها فهي 5% إلي 25%
علي حسب وصف الكاميرا ونوعها وهو شئ راجع لمعرفة وتقيم موظف الجمارك
ولكن في معظم الحالات بتكون 10% + 14% ضريبه

تصنيف الكومبيوتر واللابتوب وكل ما يخصه من بروسيسور و كروت شاشة ورامات الخ الخ

كلهم معفيين من الجمارك عليهم 14% ضريبة قيمة مضافة فقط

الإلكترونيات معظمها عليها 10% جمارك + الضريبة