نعم هيكون في جمارك اكيد والجمارك علي الملابس والاحذيه مرتفعه الاحذيه 60% جمرك + 14% ضريبه القيمه المضافه والملابس 40% جمرك + 14% ضريبه وممكن موظف الجمرك لا يعتمد على الفاتوره الي جايه مع الشحنه ويقيم المنتجات وبعد التقيم يحسب الجمرك والضريبة

يعني اذا شوزات ثمنها 1000 جنيه مثلا هيكون عليها حوالي 800 جنيه مبين جمارك وضرائب

الموبايلات معفيه من الجمارك وعليها 14% ضريبه القيمه المضافه وبتطلب موافقة من الجهاز القومي لتنظيم الاتصالات لما الموبايل يوصل هيكلموك تعمل الموافقه او عشان يطلعوها هما وهي مجانية ومش بتاخد اكتر من ساعه

الجمارك علي اجهزة الطبية بتختلف علي حسب النوع بتكون 5% جمرك + 14% ضريبة القيمة المضافة ولها بنود اخري علي حسب الموصفات وتطلب موافقة مسبقة من السياسات الدوائية الافضل احضار الكاتلوج الخاص بالجهاز وتذهب به الي هيئة السياسات الدوائية ويتم اخد موافقة مسبقة قبل احضار الأجهزة ولازم الاجهزة تكون جديدة وغير مستعملة ده في حاله الشراء الشخصي لعايده او مركز وليس للاستخدام التجاري وبيع الاجهزة وشراء الكميات

لا انصحك اطلاقاً هيتطلب من موافقات لن تنتهي هتبدا بـ موافقه الجهاز القومي لتنظيم الاتصالات ثم المفرقعات ثم الامن القومي وهتدخل في داومه موافقات لا انصحك بشحنها الي مصر او دخولها عن طريق شركات الشحن ممكن مع حد وهو جي من السفر