موقع امازون هو واحد من افضل المواقع التي توفر تجربة شراء سهله وسريعه ومضمونه عن اي موقع اخر حتى عند الشحن الي مصر او الدول العربيه أمازون بتوفر ضمان لحد استلامك للشحنة في المنزل أي مشكلة قد تحدث امازون ستتحمل اي تكاليف او اعاده للمنتج او ارسال منتج غيره مجانا ودي واحدة من أكبر المميزات للشراء من امازون
المقال سيشرح كيفية التسجيل والشراء خطوة بخطوة من امازون من التسجيل حتى شحن الطلب من امازون سواء على الموبايل أو الكومبيوتر
انشاء حساب في امازون
الخطوة الأولى هي التسجيل وعمل حساب في امازون من الرابط
ونملأ البيانات بهذا الشكل سواء على الموبايل او الكمبيوتر بالشكل ده
ثم سيتم تحويلنا الى الصفحه الرئيسيه بعد التسجيل
وعلي الكومبيوتر
اضافة عنوان الشحن
اول خطوة هي اضافة العنوان الخاص بينا من هنا وهنضغط Add Address
الشرح خطوه بخطوه بالصور
1- هندخل الاسم
2- رقم البيت واسم الشارع اوي تفاصيل تخص الوصول للمنزل بالانجليزي
3- رقم الدور والشقه
4- المدينة او القرية او المنطقة
5- المحافظة
6- الرمز البريدي بتاع المنطقه واذا كنت لا تعرفه ممكن الاستعانه بموقع https://www.egyptcodebase.com/ تقدر تبحث وتعرف الرمز البريدي الخاص بالعنوان
7- رقم التليفون
وبعد الضغط علي Add address هيكون بالشكل ده
اضافة وسيلة الدفع
ثم بعد ذلك هنضيف وسيلة للدفع سواء فيزا او ماستر كارد ويمكن استخدام الكريدت كارد او الديبت كارد ومعظم البطاقات المسبقة الدفع طالما فيها مبلغ يغطي ثمن المشتريات
بندخل هنا عشان نضيف الفيزا
https://2olly.com/amazonpayment
وندوس Add a card
هندخل ال 16 رقم الي علي الفيزا وتاريخ الانتهاء والاسم
موقع امازون امريكا مش بيحتاج ال 3 ارقام او cvv2 الي خلف البطاقه
علي الكومبيوتر
علي الموبايل
ثم هنختار عنوان وسيله الدفع Billing Address
البحث عن المنتجات التي تقبل الشحن المباشر
نبدأ بالبحث عن المنتج الي نريد شرائه وهيبان بجانب كل منتج هل يقبل الشحن إلى بلدك أم لا
بالشكل ده مثلا سنبحث عن iPhone Renewed مجدد وده لرخص ثمنه ولضمانه من قبل امازون هنلاحظ وجود كلمة Ships to Egypt وده معناه أنه يقبل الشحن المباشر إلى الدوله هنقوم بالدخول على المنتج
وهنلاحظ أن ظهر سعر المنتج وجنبه رقم آخر وهو تكلفة الشحن والجمارك وكامل المصاريف اللي هتدفعه لحد ما يوصل الجهاز لباب البيت وفي هذة الحاله الاجمالي هيكون 274.13 دولار شامل تكلفه الشحن والجمارك والضرائب ولن تدفع اي تكلفه اضافيه عند الاستلام
وعند الضغط على Details هيبان الإجمالي
الشحن = Amazon Global Shipping
الجمارك والضرائب = Estimated Import Fees Deposit وهي تكون تقدير او وديعه لدي امازون حتي تستلم المنتج وبعد ذلك اذا كانت الجمارك اقل امازون ستقوم برد فرق المبلغ الي وسيله الدفع وان كانت اكبر لن تطالبك امازون بدفع اي فروق اطلاقاً وده موجود في اتفاقيه الاستخدام
وامازون هترسلك رساله مثل هذة عندما ترجع لك فرق الجمارك
إضافة المنتجات إلى عربة التسوق
لشراء اي منتج هنحتاج نضيف لعربه التسوق الاول هندوس Add To Cart
ونلاحظ ان الكارت بقي فيها منتج واحد
هندوس Proceed to checkout عشان نقدر نكمل عملية الشراء
الشحن والجمارك والدفع وعمل الطلب
في اول خطوه هنختار العنوان الي تم إدخاله قبل كده وندوس Deliver to this address
وهنا امازون هيدينا اختيارين للشحن واحد عادي Amazon Global Expedited Shipping واختيار للشحن السريع Amazon Global Priority Shipping وميعاد التسليم المتوقع لكل اختيار
ثم تختار وسيلة الدفع وهي الكرت الذي قمنا بادخاله قبل كده Select a payment method
وهنوصل لاخر مرحله وهي مراجعة الطلب وكل شئ يخص الطلب هنلاقي اجمالي التكلفه وعنوان الشحن ووسيلة الدفع وكل شئ يخص الطلب كما في الصوره سعر المنتج 194.99 دولار + 16.08 تكلفة الشحن + 63.06 تكلفة الجمارك والضرائب وفي حالة الموبايل فهو معفي من الجمارك ولكن عليه 14% ضريبه فقط ولكن امازون ايضا يقوم بتحصيل مصاريف التخليص والإجراءات لذلك الإجمالي أكثر من 14%
بعد ما نتاكد ان كل شئ تمام نقدر ندوس
Place Your Order
وبعدها هتجيلنا رسالة Thank you, your order has been placed وفيها رقم الطلب
تتبع الطلب وميعاد التوصيل
بمجرد الدخول علي صفحة الطلبات
https://2olly.com/amazonorders
هنلاقي الطلب وحالته نقدر نلغي الطلب او نعدل على سرعه الشحن او نلغي قطعه من الطلب طالما لم يتم الشحن وامازون مش بيسحب ثمن الطلب من البطاقه غير عند تجهيز المنتج للشحن
وفي النهايه سيتم شحن المنتج من امازون مع شركة الشحن وامازون هترسل لك رقم تتبع الشحنه ويمكنك الضغط في اي وقت علي Track package وهتعرف حالة الشحن