ال Premium membership السنويه مع Myus وتجميع الشحنات والشحن والجمارك ؟

عايزه اشحن حاجات من مواقع اجنبيه عن طريق Myus العضويه السنويه بتدفع وبعد كده مش بدفع مصاريف شحن كل مره ولا بتضاف مصاريف الشحن على كل شحنه؟ مع العلم اني هجمع حاجات من كذا موقع وهشحنهم مع بعض بعد ما اخلص الشرا عشان كده محتاجه العضويه الغير مجانيه ،وهبعتهم على البريد السريع هيوصلوا في قد ايه وفي مصاريف تاني هدفعها لما استلمهم من البريد،والبريد هيتواصل معايا ازاي ويقولي ان الحاجه وصلت؟


  
  

2 اجابات


2olly.1 قام بالرد
9 أشهر
يمكنك الاشتراك في العوضيه السنويه مجانا عن طريق عرض Myus مع شركه Visa من هنا
https://www.myus.com/welcome/visa

كل مره بيكون في شحنه بيتم دفع رسوم الشحن علي حسب الوزن + بعد ان يتم الشحن هيكون في جمارك وضرائب عن الاستلام في مصر والجمارك والضرائب تختلف بحسب نوع المنتج مثلا الملابس عليها 40% جمرك + 14% ضريبه القيمه المضافه

بعد متوصل الشحنه مصر اذا تم ارساله مع البريد هتوصل لاقرب مكتب بريد من العنوان المرسل اليه
واذا كان مع شركات الشحن السريع مثلا هتوصل لحد باب البيت والشركه وهي بتسلمك الشحنه هتحصل منك مصاريف الجمرك والضرائب

بالنسبه زمن التوصيل بيختلف باختلاف شركه الشحن وقبل متعملي طلب تجميع الشحنات وشحنها بتختراي شركه الشحنه المناسبه وبيكون جنبها الشحنه متوقع توصل امتي او هتاخد اد ايه
loading...